Сегашните мерки даваат резултати во справување со корона кризата, но ситуацијата сѐ уште е критична и стравуваме дека може да се влоши, вели министерот за здравство Венко Филипче, објаснувајќи зошто е предложено скратување на работното време на угостителските објекти.
Одговарајќи на новинарско прашање да ја образложи една од новопредложените мерки од страна на Комисијата за заразни болести, министерот Филипче со став дека доаѓа период во којшто како што вели „очигледно е дека може да се случат големи групирања на граѓани, особено во угостителстите објекти“.
-Имајќи предвид дека доаѓаат новогодишните празници, предновогодишната атмосфера на некој начин ги понесува граѓаните. Сметаме дека работното време до 18:00 часот, со нормално почитување на постоечките протоколи за време на нивната работа, нема да биде дополнителен ризик. Но, повеќе часови по крај на работното време сметаме дека се ризик- рече Филипче.
Иако мерките даваат резултати, рече Филипче, ситуацијата се уште е критична, не смееме да дозволиме никакво опуштање.