Филмот „Интервју“ на „Сони Пикчрс“ за фиктивниот заговор за атентат на лидерот на Северна Кореја, Ким Јонг-ун од денеска е целосно објавен на некои веб-сајтови а од утре ќе се прикажува и во кината.
„Гугл Плеј“, „ЈуТјуб мувис“, „Иксбокс видео“ и сајтот на „Сони“ за 6 долари дозволуваат преглед на филмот.
Неодамна тензиите меѓу САД и Северна Кореја се зголемија откако администрацијата на Обама ја обвини Северна Кореја дека стои зад хакерските напади во кои се објавија закани за сите кои ќе го гледат филмот во кината во САД.
– Сони секогаш планирал да има национална платформа за објавување на овој филм, изјави директорот на компанијата Мајкл Линтон.
Околу 300 кино-сали утре ќе го прикажуваат „Интервју“ во Америка.