Финска започна со исплата на основната месечна плата од 560 евра на невработените. Целта е, како што велат властите, да се намали државната бирократија и сиромаштијата, а да се зголеми вработеноста.
Се работи за пилот проект што ќе трае две години.
– Сите невработени ќе го добијат основниот приход и можат да останат дома доколку тој им е доволен, но ако не им е доволен, тогаш можат да најдат работа со скратено работно време или пак да започнат свој бизнис, изјави директорката на програмата во Финска.
Финска е првата европска земја што започнува вакво социјален експеримент, а веднаш по објавувањето, се пријави и Холандија, која во текот на 2017 година ќе го тестира.
Тие што го поддржуваат експериментот сметаат дека на овој начин невработените ќе бидат позаштитени, а сиромашните би си обезбедиле храна, засолниште и други основни потреби за живот.
Противниците пак, велат дека невработените ќе станат робови на истиот и нема да бидат мотивирани да најдат работа. Исто така, лесно може да ги привлече имигрантите кои би можеле да уживаат во животот на сметка на вработените граѓани.