Процесот на уставните измени, помирувањето и имплементација на реформските активности утврдени со Планот 18 беа тема на та средба во Скопје на претседателот на Комитетот за надворешни работи на Европскиот парламент, Дејвид Мекалистер и европратеникот Кнут Флекенштајн со претседателот на Собранието на Република Македонија, Талат Џафери, заедно со потпретседателите на Собранието и координаторите на пратеничките групи. По овие средби НОВА разговараше со европратеникот Кнут Флекенштајн
НОВА: Дали по посетата на Собранието имате впечаток дека ќе се обезбеди 2/3 мнозинство за финалната фаза за уставните измени?
Флекенштајн: Имам позитивен впечаток. Верувам дека секој ќе гласа според сопствената совест. Мислам дека се свесни за тоа оти само преку имплементацијата на Преспанскиот договор Македонија може да има евро атлантска перспектива. Одговорноста на пратениците за иднината на државата и граѓаните на Македонија е голема и се надевам дека се свесни за тоа.
НОВА: Како го разбирате процесот на помирување инициран во Собранието?
Флекенштајн: Јас знам дека огромната поларизација на општеството мора да се сопре и дека Собранието преку комисијата за помирување треба да понуди решенија за да се постигне таа цел
НОВА: Дали мислите дека тој процес може да се рефлектира врз владеењето на правото?
Флекенштајн: Да тоа ќе се рефлектира но на позитивен начин бидејќи ќе биде добра лекција за Собранието во смисла на постигнување на консензус во многу комплицирани и емоционални околности . Сепак криминалот е криминал и треба да го почекаме предлогот на собраниската комисија. Тоа ќе биде значајно за да се обезбеди развој ан македонскто општество.
НОВА: Што мислите за реформскиот процес во Македонија во насока на европските интеграциски процеси?
Флекенштајн: Реформите мора да се забрзаат паралелно со уставните измени, Преспанскиот договор е само еден но многу важен чекор напред кон интеграцијата . Очекувам кога тој процес ќе заврши дека Македонија ќе може да се посвети на актуелните реформи неопходни за старт на преговори.
НОВА: Дали мислите дека унгарските власти ќе останат на одлуката за Груевски?
Флекенштајн: Свесни сме за ситуацијата во однос на Груевски осуден за корупција во својата држава. Согласно европската легислатива на земјата членка е да го истражи и да одлучи по барањето за азил. Владеењето на правото е фундаментален принцип на ЕУ. Очекуваме сите засегната страни да постапуваат согласно релевантните правила без никаква политизација што подразбира дека Унгарија мора да го екстрадира Груевски . Тој треба да биде одговорен о рамките ма македонскиот правен поредок.
НОВА: Зошто мислите дека Орбан е толку одлучен да го заштити Груевски?
Флекенштајн: Прво унгарскиот премиер не води многу сметка за владеење на правото а второ..пријателите се држат заедно.
НОВА: Како ја оценувате улогата на главната опозициска партија ВМРО ДПМНЕ во актуелните процеси?
Флекенштајн: ВМРО ДПМНЕ минува низ тежок процес. Тие треба да дејствуваат во интересот на земјата и нејзините евро атлантски перспективи но не само вербално. Тоа дејствување треба да биде видливо и при нивното гласање во Собранието.




