Четири лица се убиени во оружен инцидент во комплекс за забава во Џексонвил, Флорида, соопшти полицијата.
Канцеларијата на шерифот на Твитер објави дека исто така има и неколкумина повредени, при што се апелира до жителите да останат во домовите или во објектите каде што се затекнале во областа.
Подоцна е соопштено дека бројката на повредени е седуммина.
Од полицијата соопштија дека лицето кое пукало е убиени на самото место.
Според медиумите, пукањето се случило за време на турнир во видео игри што се одржал во комплексот Џексонвил Лендинг.
На социјалните мрежи веќе с еобјавени видео снимки на кои се слушаат рафали.
Канцеларијата на локалниот шериф соопшти дека полициски специјалци се на теренот, во потрага по други потенцијални осомничени.
Полицијата на Твитер објави дека “многу луѓе” се уште се наоѓаат во просторите на комплексот и ги повикаа да останат смирени.
Последниве години во оваа федерална држава се случија неколку вакви инциденти. меѓу кои и пукањето во ноќниот клуб во Орландо во 2016 година и во училиштето Маџори Стонман Даглас во Паркленд во февруари оваа година.
Џексонвил Лендинг е голем компмелкс за забава и шопинг сместен во центарот на градот.