Од вечерва на продажните места низ Скопје, а утре изутрина низ државата ќе излезе првиот број на редизајнираниот неделник Фокус, по тримесечна пауза.
Новиот број, како што извести редакцијата донесува истражувачки теми, анализи, интервјуа, а како нов колумнист во весникот се промовира Синоличка Трпкова. Како гостин колумнист се јавува Ѓорѓи Спасов.
Во најновиот број на „Фокус“ новинарите Мери Јордановска и Владо Апостолов го исчитуваат новото ЕВАНГЕЛИЕ ПО ГРУЕВСКИ, Ирена Мулачка ги „бара“ наградените лекари од Тодоров, Сашо Димитров прашува каде плови бродот „Македонија“, а Валентина Стојанчевска ја открива македонската „Мона лиза“, за која државата не одвојува ниту 1000 евра за реставрација.
На политичката сцена Влатко Стојановски открива каков политички договор постигнале Заев и Груевски.
Се разбира „Фокус“ не би бил тоа што е ако го нема популарниот стрип за кој се задолжени Стевац и Јофе.
Воведничар во рубриката „За нештата да станат појасни“ е Главниот и одговорен уредник на Фокус Јадранка Костова.