Бил Гејтс е најбогатиот бизнисмен во светот во областа на информатичките технологии, објави „Форбс“.
Во 2015 година меѓу стоте најбогати бизнисмени во секторот на високите технологии има 51 Американец, 33 претставници на Азиско-Тихоокеанскиот регион, осум Европејци, двајца Израелци и еден Јужнамериканец.
Четириест од нив живеат и работат во Калифиорнија.
Богатството на основачот на „Мајкрософт“ се проценува на 79,6 милијарди долари, а 13 проценти од нив се вложени во акции во „Мајкрософт“.
На второ место е основачот на „Оракл“, Лари Елисон со 50 милијарди долари, а на трето е основачот на американскиот гигант за Интернет трговија „Амазон“, Џеф Безос.
Од почетокот на годината „Амазон“ забележува раст, а богатството на Безос се зголемило за 13 милијарди и изнесува 47,8 милијарди долари.
На 4. место е основачот на „Фејсбук“, Марк Зукерберг – 41,1 милијарди долари, потоа следат основачите на „Гугл“, Лари Пејџ (33,4 милијарди долари) и Сергеј Бирн (33,4 милијарди долари).
Просечната возраст на стоте најбогати во секторот на информатички технологии е 53 години, што е за десет години помалку од просечната возраст на првите сто најбогати луѓе.
„Форбс“ наведува дека 94 од стоте милијардери во ИТ секторот заработиле богатство почнувајќи од нула.