Влијателниот магазин Форбс во најновиот број во текстот насловен “Чудниот случај на Субрата Рој”, поставува прашања за изворот на богатството на контроверзниот бизнисмен, информирајќи и за судскиот налог да не ја напушти Индија, заради фактот што се гони за финансиски малверзации и злоупотреби.
-Заглавен во правни проблеми, Рој, чија група го спонзорира крикет тимот на земјата и поседува трофеи како Плаза во Њујорк и во Лондон хотелот Гросвенот Хаус, уште еднаш е забележливо отсутен од 100-те најбогати во Индија оваа година.
Исто така, не е јасен изворот на средства за овие трофејни купувања. Рој, кој се нарекува себеси менаџер и и претседател на Сахара, е, секако, згрижен, но неколку неодговорени прашања околу неговото богатство остануваат засега.
Форбс пишува за неодамнешната наредба на Врховниот суд на “Сахара груп”, компанијата на милијардерот Субрата Рој да ги предаде тапиите на своите имоти вредни 3,3 милијарди долари) на регулаторното тело СЕБИ во рок од три недели.
Врховниот суд, исто така, соопшти дека ако “Сахара груп” не ги предаде тапиите во рок од три недели, тогаш Субрата Рој и други директори не можат да ја напуштат земјата без негова дозвола.
“Нема бегање и парите мора да се платат. Си дозволивте премногу да се криете, веќе не можеме да ви веруваме”, соопшти судот.
“Сахара” треба да ги предаде документите за сопственост на СЕБИ до 11 ноември, а Врховниот суд ќе го разгледува случајот на 20 ноември.
Сепак, вицепремиерот и министер за финансии Зоран Ставрески во врска со последната одлука на индискиот суд да му забрани да ја напушти Индија изјави дека се оди по план со Рој, што се однесува до власта во Македонија.
– За нас е најважно што се оди според планираното во делот на реализација на пороектите што Сахара груп ги има во Република Македонија во делот на Џумајлија каде што имаат купено земјиште и се одвиваат инвестициски и други активности, изјави
Таму има стрикни рокови до кога треба да се заврши и тоа е она што го следиме се друго е прашање на Индија, институциите, системот во Индија, Сахара како компанија и тоа ќе го решаваат во рамки на нивниот правен систем, рече Ставрески одговарајќи на новинарски прашања на прес-конференцијата пред неколку дена.




