Означен беше како ден во кој Луис Хамилтон може да ја прослави петтата титула во Формула 1 шампионатот во кариерата. Но, славеник на крајот беше Кими Раиконен кој ја прекина неверојатно долгата низа без победа од 112 трки.
Пилот на Ферари, кој последната Ф1 победа до овој викенд, ја забележа во Австралија во 2013 година, по 2.044 дена повторно беше причина за интонирање на финската химна. Овојпат на патеката во Остин за ГН на САД. Раиконен ја збриша конкуренцијата со време 1:34:18,643 часа, второто место го освои Макс Ферстапен (+1.281 сек.), трет беше Луис Хамилтон (+2.342 сек.) кој за шампионска промоција ќе мора да почека барем до ГН на Мексико.
„Конечно“, воскликна Раиконен по успехот во САД.
За него ова е 21 победа во кариерата и со своите 39 години стана највозрасен победник во Ф1 трка по Најџел Менсел во 1994 година.
На Хамилтон за заверка на шампионската титула му требаше да освои осум бода повеќе од Фетел, но заврши со плус три во однос на Германецот кој во САД беше четвртопласиран. На три трки до крај на сезоната (Мексико, Бразил и Абу Даби), Британецот е лидер во генералниот пласман со 346 бода, Фетел е втор со 276 бода. Со оглед дека разликата меѓу двајцата пилоти е 70 бода, а во игра се максимални 75, би било вистинска сензација доколку возачот на Мекларен ја прокоцка предноста и не успее да ја претвори во нова шампионска радост.
Резултати од трката за ГН на САД
Кими Раиконен (Финска/Мекларен) 1:34:18,643 часа
Макс Ферстапен (Холандија/Ред Бул) +1.281 сек.
Луис Хамилтон (В. Британија/Мерцедес) +2.342 сек.
Себастијан Фетел (Германија/Ферари) +18.222 сек.
Валтери Ботас (Финска/Мерцедес) +24.744 сек.
Нико Хулкенберг (Германија/Рено) +87.210 сек.
Карлос Сајнц (Шпанија/Рено) +94.994 сек.
Есетбан Окон (Франција/Форс Индија Мерцедес) +99.288 сек.
Кевин Магнусен (Данска/Хас Ферари) +100.657 сек.
Серхио Перез (Мексико/Форс Индија Мерцедес) +101.080 сек., итн.
Генерален пласман кај возачи
Луис Хамилтон 346 бода
Себастијан Фетел 276
Кими Раиконен 221
Валтери Ботас 217
Макс Ферстапен 191
Даниел Рикардо 146
Нико Хулкенберг 61
Кевин Магнусен 55
Серхио Перез 54
Естебан Окон 53, итн.
Генерален пласман кај конструктори
Мерцедес 563 бода
Ферари 497
Ред Бул 337
Рено 106
Хас Ферари 86
Мекларен Рено 58
Форс Индија Мерцедес 48
Скудерија Торо Росо Хонда 30
Заубер Ферари 27
Вилијамс Мерцедес 7.