Форумот на слободоумни патриоти порачува кон членовите на ад-хок телото за контрола на медиуми, дека нивниот избор е во функција на спроведување на што поефикасни, фер и демократски парламентарни избори, а не во функција на личните интереси на поединци и групи.
– Вашето неумесно однесување уште во старт го доведува во прашање кредибилитетот на ова тело. Колку само да знаете ако не ви е јасно, она што во овој момент вие го правите уште во старт фрла дамка на целиот процес. Сакаме да ви укажеме дека вашата улога е клучна за разрешување на политичката криза и очекуваме од вас разумно однесување. Одважете се и излезете од канџите во кои некој ве држи, народот го очекува тоа од вас, им порачува Форумот на слободоумни патриоти.
Во ад-хок телото засега е познато дека ќе работат Слаѓана Димишкова и Цветин Чилиманов, предложени од ВМРО-ДПМНЕ, и Горан Трпеновски и Љубомир Костовски, предложени од СДСМ. И понатаму се чека консензус за петтиот член кој треба да биде Албанец.