На патеката со должина од 1 200 метри на излезот од Струмица кон Валандово 30 возила од кои 20 теренски, се натпреваруваа во 35-то меѓународно рели и рели крос.
Адреналинот за овој вид на спорт присутен и кај понежниот пол кои денеска ги имаше на патеката. Велат желбата за возење и брзината, биле главниот мотив за учество.
„ Брзината е мотивот за желбата, јас сум за прв пат овде учесник, но се надевам и на медал“, вели Милица Ристиќ, натпреварувач од Србија.
Претседателот на автомото клубот,, Џип рели“, Димитрије Пеливанов, се надева дека оваа трка ќе прерасне и во традиција, зошто како што истакна вреди пред се заради големиот број на посетители.
„За прв пат во Македонија за време на одржувањето на натпреварите учествуваат и автомобили покрај теренските возила, како и жени возачи“, вели Пеливанов.
Тој претходно истакна дека е многу задоволен од патеката околу езерцето што целиот настан како што вели го прави доста атрактивен. Во категоријата теренски возила од Македонија имаше 15 натпреварувачи, 5 од Србија и еден од Албанија.
Прогласувањето на победниците и свеченото затворање е закажано за 20:30 часот во хотелот Тивериопол.
Во продолжение погледнете повеќе фотографии од настанот:
.jpg)