Додека уште ги средуваме впечатоците од завчерашниот историски настан во Соборниот храм „Свети Климент Охридски“ во Скопје, порталот НоваТВ низ видео и фотогалерија се навраќа на клучните моменти од заедничката литургија меѓу МПЦ-ОА и СПЦ на која патријархот Порфириј на насобраните верници им соопшти дека Синодот на СПЦ ја одобри автокефалноста на Македонската православна црква – Охридска архиепископија.

Фото: tvhram.rs

Веста беше дочекана со бурен аплауз, бидејќи означи крај на 55-годишната шизма меѓу двете сестрински цркви и означи ново поглавје во црковните, но и во политичките односи во регионот и пошироко.

Фото: tvhram.rs

Одлуката била строго чувана тајна до одржување на литургијата во Скопје.

Фото: tvhram.rs

Црковни аналитичари оценуваат дека одлуката, иако предизвикала изненадување во православниот свет, сепак била очекувана, особено по засилениот ангажман на Вселенската патријаршија и сметаат дека ќе биде прифатена од другите помесни цркви.

Фото: tvhram.rs

За Руската православна црква, „признавањето на автокефалноста на Црквата во Северна Македонија од страна на Српската православна црква“ е исклучителен настан, за кој се очекува да се разговара на наредниот состанок на Светиот синод.

Фото: tvhram.rs

Она што се случи со МПЦ, според црковниот аналитичар и историчар Горан Благоев, е очекувано, особено откако Бугарската православна црква во 2019 година одби да се заложи да го поддржи решавањето на македонскиот црковен случај.

Фото: tvhram.rs

Вселенскиот патријарх Вартоломеј во интервју за грчката телевизија ЕРТ рече дека прашањето со шизмата, многу години било во фокусот на Патријаршијата.

Фото: tvhram.rs

Црковни аналитичари од Бугарија велат дека Бугарската православна црква ќе мора да ја признае Македонската црква како една од многуте православни цркви во светот.

Фото: tvhram.rs

Враќањето на канонското единство на Охридската архиепископија беше неопходен чекор кон признавањето на автокефалноста на МПЦ.

Фото: tvhram.rs