Графитите во црвена боја „Слобода за Кежо“ кои завчера ноќта осамнаа насекаде околу Собранието вчера рано утрото, пред стартот на седницната за пратенички прашања на која присуствуваат и министрите и премиерот, беа експресно „изрибани“. Фотогофрафиите кои вчера ги направи НОВА откако на социјалните мрежи се појавија фотографиите од акцијата од непознати граѓани пред Собранието покажуваат дека службите во законодавниот дом здраво се помачиле за да ги избришат написите со кои се бара слобода за притворениот новинар.
>>ФОТО: Графити пред Собранието „Слобода за Кежаровски“
Но, интересно е што службите ги бришеле само графитите со оваа содржина, а други, многу помасивни чкртаници на тарабите пред Парламентот очигледно воопшто не им пречат. Оваа фотографија овде е снимена на тарабите пред главниот влез каде малиот црвен напис „Слобода за Кежо“ е избришан, а до него стојат чкртаници во огромни димензии, кои по се изгледа, не претставуваат проблем за Собранието.
Оваа фотографија е снимена од задниот влез на Собранието со кој во моментов се служат пратениците. И таму сите тараби се „светнати“ и солидно „изрибани“.
Во околината на Собранието имаше уште многу написи со содржина „Слобода на Кежо“, но речиси се е избришано, вклучувајќи го и хит написот пред самиот влез на кој веќе му нема трага, односно на неговото бришење службите по се изгледа посветиле најмногу време.
Но, ете, еден напис останал незабележан, а тоа е оној исцртан на самиот паркинг каде народните избраници ги паркираат своите автомобили.
Кој бил толку вознемирен од написите за ослободување на новинарите останува енигма, но брзата акција на светнување на тарабите не се спровела насекаде, па така, останаа написите за Кежаровски во останатиот дел од Центарот на градот.
