Францускитe деца ќе добијат интензивна обука за демократските вредности и почитувањата на религиите и медиумите откако Франција се обидува да закрепне по терористичкиот напад врз редакцијата на сатиричниот магазин „Шарли Ебдо“, пишува британски „Индепендент“.
Планот вреден 250 милиони евра беше објавен неодамна од француската министерка за образование Нажат Валу Белкасем, според кој децата на возраст од 6 до 18 години ќе се запознаат со „републиканските вредности“, особено издвојувањето на религијата од државата.
На учениците ќе им бидат воведени нови предмети за важноста на демократските институции и симболи. Тие за прв пат во државните училишта, ќе бидат едуцирани за разликите и сличностите помеѓу религиите.
Ќе им се предава како да разликуваат објективни вести, пропаганда или заговор. Се очекува секое училиште да започне сопствен весник, радио станица или веб-сајт .
Најмногу од сè, преку интензивни лекции, француските наставници ќе се обидат на децата да им го објаснат принципот на секуларност, односно одвојување на црквата и државата, содржани во француските закони од 1905 година, како би се гарантирале еднакви права за сите религии, а секој „9.декември“ ќе се слави Ден на секуларноста.
Програмата е составена како одговор на вознемирувачките збиднувања кои за три дена во терористички напади загинаа 17 лица во Париз.
Доколку се анализираат верзиите и мислењата на младите, има муслимански тинејџери кој одржаа две-минутно молчење во знак на жртвите. Други пак, инсистираа дека убиствата биле „оправдани како би се одбранил пророкот Мухамед“. Според други тинејџери, терористичките напади ги извршиле САД или Израел, пренесува „Индепендент“.
Од следниот септември родителите и децата ќе треба да потпишат „договор за секуларност“, кој забранува расно или сексистичко однесување, како и непочитување на било која религија или симболите на демократијата.
Програмата предвидува учениците кои ќе ги прекршат правилата да одработат во добротворни организации како Црвениот крст или нивните локални еквиваленти. Училиштата ќе се охрабтуваат да одржуваат редовни церемонии во кои децата ќе го поздравуваат француското знам и ќе ја пејат националната хима „Марсељезата“.
Програмата, која ја претстави Белкасем, предвидува и поправни часови со кои би им се помогнало на децата имигранти да го научат подобро францускиот јазик.
И француските власти се огласија зошто се прави ова. Според претседателот на земјата, Франсоа Оланд „секој пат кога ќе бидат загрозени основните вредности на училиштата и републиката, ќе бидат преземани одредени мерки“.
Од друга страна министерката Белкасем вели овој едукативен план се внесува бидејќи „децата се линијата на фронтот во борбата против неправдата и омразата“.
Властите порачаа дека децата нема да бидат препуштени сами на себе во оваа Програма, туку со нив ќе соработуваат и нивните родители.
Според францускиот премиер Мануел Валс оваа реформа е потребна бидејќи Франција била жртва на „етнички и социјален апартхејд’ бидејќи не биле добри односите помеѓу побогатите и посиромашните и мешани преградија. Тој порачува дека оваа Програма предвидува „социјално мешање“ во училиштата.