Светските лидери од Г-20 групата на нации се подготвуваат да се сретнат во Русија во услови на остри разлики во врска со воената акција против владата на Сирија, јавува Би-Би-Си.
Пред разговорите, рускиот лидер Владимир Путин предупреди дека акција без одобрение на ОН ќе биде “агресија”.
Но, претседателот Барак Обама изјави дека кредибилитетот на меѓународната заедница е ставен под прашање.
Додека Сирија не е официјално на агендата на Г20, министрите се очекува да дискутира за тоа на маргините.
Годишниот самит на Г-20 групата на развиените и земјите во развој, кој се отвора во Санкт Петербург би требало да се концентрира на глобалната економија.
Во пресрет на самитот, американскиот Сенатски панел одобри употреба на воена сила во Сирија, како одговор на наводниот напад со хемиско оружје.
Предлогот, кој сега оди до целосно гласање во Сенатот следната недела, дозволува употреба на сила во Сирија за 60 дена со можност за продолжување за 30 дена.
Мерката, исто така, мора да биде одобрена од страна на Претставничкиот дом на САД.