По повод јубилејот 45 години од возобновувањето на Македонската православна црква, архиепископот охридски и македонски г.г. Стефан денеска на 15 истакнати стопанственици и личности од науката им додели Столен медал од редот на Светиот македонски крст.
Меѓу добитниците се главниот извршен директор на „Аџибадем Систина“ – Скопје, Јордан Камчев, директор на „Реплек“ – Скопје, Душан Туџаров, генерален директор на „Витаминка“ – Прилеп, Симон Наумоски, заменик-генерален директор на рудникот „Бучим“ – Радовиш, Николајчо Николов, генерален директор на „Македонија турист“ – Скопје, Доне Таневски, генерален директор на „ИГМ Трејд“ – Кавадарци, Илија Гечев, генерален директор на „Брилијант“ – Штип, Мите Николов, членот на Управниот одбор на Комерцијална банка АД – Скопје, Илија Илоски, сопственикот на „Пелистерка“ АД – Скопје, Цветан Панделески, академиците Владо Камбовски, Таки Фити, Катица Ќулавкова и Митко Маџунков, ректорот на Универзитетот „Св. Климент Охридски“ во Битола, Златко Жоглев и професорот во пензија на Правниот Факултет во Скопје, Стефан Георгиевски.
„Ова признание колку што им припаѓа на денешните добитници им припаѓа и на многу други затоа што споменот од возобновувањето на црквата се негува, се чува и се живее заедно со сиот народ“, ја пренесува Утрински весник изјавата на г.г. Стефан на доделувањето на медалите, кој потсети дека оваа година светот одбележува 1.700 години од христијанството.
(фотографијата е преземена од Утрински весник)