18:00
толпата се собира во близина на црквата и продолжува да маршира по главната улица долж Ѓорче Петров
Забележливо е присуство на малолетници
18:30
Маршираат кон домот на починатото момче Ангел каде што палат свеќи на оградата
19:00
Толпата почнува да се движи кон мостот кон населбата Сарај. Луѓе попат им се придржуваат во се поголем број. Пред мостот ги пречекува полиција и ги спречува да тргнат кон мостот
20:00
Толпата навидум е разбиена. Поголемиот дел од специјалните единици го напуштаат местото. Веќе во 20:30 почнуваат нови немири и судири од другата страна на Ѓорче Петров кај трговскиот центар „Планет“. Судирите се случуваат на повеќе места долж улицата.
Судир – полицијата со т.н. флеш бомби се обидува да ја растера толпата
Граѓанин држи во рака флеш бомба која останала на улицата по фрлањето
Специјалци во кордони среде судир
Граѓани од другата настрана во расправија со полицијата. Жителите во текот на ноќта се расправаа со полицијата и обвинија за насилство врз приведените, како и за негрижа кон населението на Ѓорче Петров. Загрижени родители си ги бараа децата стравувајќи дека се во толпата.
21:00
Полицијата приведува. По овие фотографии полицајци насилно ги бриеша материјалите на репортерите на НОВА, Фокус и Радио Слободна Европа. НОВА успеа да ги сочува фотографиите, но не и видео материјалите кои полицаец ги избриша.
21:30
Полицијата почнува да ги растерува насобраните, по што и самата почнува да се повлекува од главната улица.
Соседи набљудуваат од прозор
21:45
На влезот во Ѓорче Петров се појавува возило на пожарната. Возилото набргу се враќа назад. Толпа дивее кај казиното Сенатор чиј што инвентар се вади и се фрла во дузина запалени контенјери. Толпата го спречува возилото на пожарната. Полицијата е на 200 метри од настанот, но во многу мал број. Интервенција нема речиси половина час.
Возилото на пожарната пред влезот
Полиција пристигнува кај казиното Сенатаро. Судир со демонстрантите
Некаде кон 11 часот вечерта полицијата ја разби толпата. Во Ѓорче Петров засега е мирно, иако улицата останува затворена, а полицијата е присутна во огромен број.
По улиците остануваат да лежат безброј превртени и запалени контејнери
