Оваа година судбоносното „Да“ во живописниот Галичник ќе го кажат невестата Тања Лепческа, која е по потекло од Галичник и младоженецот Златко Димовски.
Тие ќе се венчаат во рамки на годинешното 45-то издание на автентичната културно-сценска манифестација „Галичка свадба“.
Традицијата на мијачките свадби продолжува и оваа година, во Галичник средиштето на мијачијата ќе екнат тапаните и ќе запиштат зурлите. Знак е дека започнува уште едно издание на културно-туристичката манифестација „Галичка свадба“ .
Одржувањето на оваа манифестација е инспирирана од желбата на жителите на Галичник да ги сочуваат од заборав обичаите карактеристични за мијаците. За православниот празник Петровден се случувало и повеќе десетици двојки да се венчаат во ист ден. Причината за одржување на толку венчавки во кус период е во доаѓањето на мажите од печалба. Неретко се случувало, мажите да направат свадба и кусо време после тоа да ги напуштат своите сакани. Овој период се користел и за свршувачки, по што отпочнувале подготовките за свадба.
На оваа традиционална манифестација денеска ќе бидат присути премиерот Зоран Заев , министрите Оливер Спасовски, Радмила Шеќеринска, Асаф Адеми, Роберт Поповски и Едмонд Адеми, како и заменик – министерот Дејан Павлески и Националниот координатор за развој на културата Роберт Алаѓозовски.