Угледниот британски весник Гардијан денеска објави анализа со која го предвиде евровизискиот победник, односно Данска. Тимот на Гардијан го анализирал “патот на гласовите” во последните 20 евровизиски натпревари.
Врз основа на бројот на учесници по региони, пласманот во полуфиналето и традиционалното гласање по региони, Гардијан изработи табела со бодови за потенцијалните држави со најголема шанса за победа, а проекциите беа во две одделни категории – кој би бил победникот ако песната е важна, а кој ако политика одлучи. Во прогнозата за тоа кој би бил победникот кога би се почитувало правилото “песната е важна” Гардијан во првиот избор ги става Холандија, Данска и Грција. А доколку се почитува правилото – политиката е важна – тогаш победник според прогнозите на Гардијан би бил Азербеџајн.
Иако од Гардијан потенцираат дека едноставно историјата покажал дека е ретко возможно да победи некоја од подобрите песни, сепак оставиле простор за одделна прогноза, додека најголемиот дел од текстот кој содржи обемни дата анализи и табели е посветен на таканареченото политикантско гласање.
Сепак, Гардијан воопшто не промаши. Победник е Данска или еден од нивните три избора за победник доколу се гласа за песна, а второто место припаѓа на Азербеџајн, нивниот “политички” фаворит.
“Веќе ниту новороденчињата не се наивни за да помислат дека Евровизија има многу врска со музиката. Се е политика – кој кого сака, а кого не сака, кој е ин, а кој е оут – и кој на кого може да му ги пресече залихите со нафта ако случајно не добие 12 поени”, шеговиот заклучува дата секцијата во Гардијан.