Вулканот Косел во охридско не е активен, неговата последна забележана активност била пред 16 милиони години, чадот што ги вознемири охриѓани е само пост вулканска појава, вели универзитетскиот професор д-р Тодор Серафимовски.
„Косел некогаш било вулкан, сега се останати само т.н пост вулкански појави од редот на сулфатари, гејзери и слично.Охрид е позната сулфатара во Република Македонија, и е класична вулканска појава. Вулканот е одамна загасен. Коселскиот вулкан е отприлика миоцен и сега останале само крепите кои сведочат за вулканот и останува сулфатарата која долг низ години е активна. Кој имал можност да ја види тоа е како мало изворче и сулфур водородите излегуваат на површина по што се добива впечаток дека таму врие во тенџере“, објаснува геологот Серафимовски.
Според Серафимовски, такви слични пост вуклкански појави од тој сулфатарски тип има и на Кожув планина и од кавадаречка и од гевгелиска страна, а такви манифестации има и во кратовско-злетовската област, во делот околу селото Бели и Плешинци, само што гасовите не се толку концетрирани, за да бидат забележливи како на Косел. „Што ја предизвика оваа зголемена активност на сулфатарата, за тоа нема апсолутен точен одговор. Мојот став е дека имавме активирање на трусните подрачја последните неколку денови во северниот Егеј. Тоа се всушност проклизувања на одредени расадни структури, каде сеизмичките бранови се пренесоа на активна трусна зона, кај нас тоа е валандовската и на тој систем се наоѓаат и овие сулфатари што веројатно предизвикало извесни пореметувања, а гасот нашол испусен вентил во линија на помал отпор“, додава Серафимовски.