Германците ќе бараат над 80 милиони евра оштета од Градот Скопје поради тендерот со „Дрисла“, тврдат високи извори во германската амбасада кои сакаа да останат анонимни. Од амбасадата, која во минатите месеци го поддржуваше конзорциумот предводен од германската компанија „Шолц“ кој не успеа да стане концесионер на скопската депонија, велат дека овој случај сериозно ќе ги загрози односите помеѓу Германија и Македонија.
-Освен нарушување на економските односи, бидејќи овој случај носи порака на правна несигурност до потенцијалните инвеститори, извесно е и влошување на политичките односи. Ова не е единствен ваков случај со кој Германија се соочила во сферата на економската соработка, проблеми има и во енергетиката, едукацијата и друго, брифираат од Германската амбасада.
Тендерот за концесијата на „Дрисла“ за кој пишуваше и НОВА стана актуелен кога второрангираниот конзорциум предводен од германската компанија „Шолц“ поведе спор пред Управниот суд и го доби. Управниот суд најде неправилности во начинот на кој е избран конзорциумот од Италија и му наложи на градот Скопје да ја повтори постапката за избор. Градот Скопје минатата недела повторно ги избра Италијанцие за концесионери на Дрисла, притоа, во образложението, искажувајќи несогласување со наодите на Судот.
Вчера се огласи и италијанската компанија ФЦЛ Амбиенете. Преку писмено соопштение упатија закани за тужби против сите кои „изнесувале штетни факти“ против компанијата. НОВА ја следеше аферата „Дрисла“ неколку месеци. За детали околу тендерот кој предизвика меѓународен скандал прочитајте во истражувањата на НОВА.
>>Детали од тендерското досие: Што отвори сомнежи за Дрисла
>>Амбасада: Договорот „Дрисла“ опасност за германско-македонските односи
>>Градот не ги дава Италијанците од Дрисла
>>Сомнителните зделки во „Дрисла“ добија судски епилог
>>Град Скопје: Документите за концесионерот на Дрисла се тајна
>>Афера: Кој е новиот инвеститор во „Дрисла“