Тајната служба на Германија ја шпионирале Албанија за да го држи под контрола „организираниот криминал“, објави германското списание “Der Spiegel”.
Во извештај на неделникот, се вели дека Албанија била една од значајните држави за набљудување и покрај зачленувањето во НАТО во 2009.
Извештајот се објави само една недела откако истиот неделник, “Der Spiegel”, откри дека германската тајна служба прислушкувала телефонски разговор на американскиот државен секретар, Џон Кери и дека долго време ја шпионирале Турција.
Новите откритија резултираа со жестока дебата помеѓу државите, особено помеѓу Соединетите Американски Држави и Германија. Имено и во Германија се појавуваат знаци на огорченост при што германскиот амбасадор е повикан од владините претставниците да даде објаснување во текот на неделата.
Германија е длабоко погодена од големиот шпионски скандал и поради таа причина владата донесе одлука за отстранување на шефот на ЦИА во Германија по големиот меѓународен притисок како и со цел да се зачува националната сувереност.
Во последно време, серија обвинувања се испратени до Германија поврзани со прислушкување, во време кога Берлин се жалеше дека Вашингтон врши интензивни шпионски операции во Германија, вклучувајќи и прислушкување на мобилниот телефон на канцеларката Ангела Меркел.
Извор: Top Channel