Гордана Гешковска денеска е избрана за заменик на државниот обвинител на РМ. Досега работеше во одделот за организиран криминал и ги застапуваше предметите Бачило, Пајажина, Змиско око, Монструм, Изгрев и други.
Со нејзиното именување за републички обвинител во прашање се доведува и постапката во Монструм, што значи нејзината замена, односно новиот обвинител ќе треба да почне отпочеток.
Поранешниот државен јавен обвинител Љупчо Шврговски своевремено изјави дека Гордана Гешковска и Вилма Русковска немаат интелектуален капацитит за да постапуваат по предмети за организиран кирминал.
За виши обвинителки во Скопје се избрани и Наталија Тасевска од скопското Обвинителство, и Анита Топалова Исајловска.
Сопругот на Исајловска е сегашниот амбасадор во Русија Илија Исајловски, а со само 3 години искуство и стаж како обвинител денеска е унапредена во вишото обвинителство.
За Исајловска комисијата за лустрација неодамна побара нејзинот разрешување бидејќи не доставила извештај дека не е соработник на службите, но Советот за обвинители не ја разреши, туку денеска и ја унапреди.
Автор: Саше Димовски