Знаат ли сегашниве сопартијци дека последната буква (Е) од вториот дел од името на нашата партија ВМРО ДПМНЕ, означува заложба за ЕДИНСТВО или тоа не ги интересира!?- прашува Јове Кекеновски на неговиот ФБ профил
Врз основа на неуставните и квази законски направените измени и дополнувањата на законите кои го третираат основното и средното образование и детската заштита, заменски наставници треба да се обезбедат во сите училишта каде се штрајкува.
Во општините каде градоначалниците се од ВМРО ДПМНЕ и онаму каде директори на училиштата се членови или симпатизери на партијата за оние наставници кои штрајкуваат се ангажираат заменски наставници. Меѓутоа такво нешто немa во општините и училиштата
каде градоначалници и директори се припадници на СДСМ, ДУИ и на други партии кои го поддржуваат штрајкот?
Значи нема настава во основните и средните училишта во Куманово, Тетово, Гостивар, Струмица, Струга, Дебар, во училиштата во Липковскиот регон како и во повеќе училишта во Центар, Карпош, Кичево, Битола и во други рурални општини. Во овие училишта штрајкот продолжува и понатаму и покрај непримерените притисоци посебно врз македонските наставници. Во училиштата каде штарјкуваат албанците таму нема и не смее да има притисок од надвор.
Ова јасно укажува дека имаме за нарушена еднаквост на граѓаните пред законите, но и уште еден доказ дека неуставните, конфузните и контрадикторни решенија, импровизаците и незнаењето, кои во последно време земаа невиден замав, само повеќе ги продлабочат и мултиплицираат проблемите не само во образованието туку и во сите останати сфери на општеството.
2. Втор проблем кој се јавува во врска со штрајкот на СОНК е прашањето на компетентност на заменските наставници?!. Спремни ли се директорите на училиштата и градоначалниците да понесат кривична одговорност доколку ангажираат заменски наставници кои се несоодветни за предметите за кои се времено ангажирани?.
3. Свесни ли се министерот и заменик министерот за образование и наука дека доколку продолжи штрајкот ќе биде доведено во прашање спроведувањето на екстерното тестирање за кое тие толку ликуваа и велеа дека е успешен проект. Значи ли тоа дека онаму каде што тие контролираат ќе имаа екстерно тестирање, а во останатите училишта каде се штрајкува тоа нема да се спроведе?.
Каде не води сето ова?
П.С. Ги поделија студентите, професорите, работниците, уметниците а сега и наставниците, средношколците и основците. Знаат ли сегашниве сопартијци дека последната буква (Е) од вториот дел од името нашата партија ВМРО ДПМНЕ, означува заложба за ЕДИНСТВО или тоа не ги интересира!?