„Гласот на младите“ – Ива Петрунова, магистер, инженер архитект и доктор на општествени науки
Редакцијата на НОВА новата декада им ја посветува на младите и нивната борба да останат дома и покрај сите институционални и политички бариери.
Во декадата во која што влеговме еден од најголемите предизвици за македонското општество ќе биде како да се задржат младите генерации во Македонија. Ќе треба да се најдат одговори, а потоа и капацитети за институционални реформи кои ќе овозможат на младите талентирани и образовани луѓе да ги реализираат своите потенцијали дома, во Македонија. Во спротивно, Македонија како мала држава ќе се најде загрозена ако продолжи актуелниот тренд на иселување со што во прашање ќе биде доведена супстанцата и највиталните ткива на македонското општество.
Поради тоа редакцијата на НОВА оваа 2020 година им ја посветува на младите луѓе кои имаат што да кажат и за тоа што можат и што сакаат и што им треба за да останат во Македонија. Разговаравме со повеќе млади луѓе кои веќе имаат богати професионални биографии и искуства од студирање или работење во странство. Без исклучок сите со нас ја споделија желбата дека би сакале своите знаења и таленти да ги стават во функција на развој на ова општество во кое се родиле и кое го сакаат повеќе од било кое друго и покрај сите негови мани и девијации.
Затоа ја започнавме нашата рубрика „Гласот на младите“ во обид нивните размислувања да допрат до сите како поттик и инспирација, а најмногу до оние одговорните во институциите чија должност е да сторат се што е во нивна моќ за да им дадат шанса на оние од кои зависи и иднината на Македонија.
„Гласот на младите“ е рубрика отворена за сите кои сметаат дека треба да истапат јасно и гласно за да го кажат својот став и своите размислувања за се што ги брка од своите домови и се разбира да сугерираат што треба да се направи за да се исполнат сите неопходни услови кои ќе им овозможат да се остварат во својата земја.
Ги повикуваме сите млади кои сакаат да бидат дел од оваа рубрика да ни се обратат на нашиот маил novatvweb@gmail.com или на нашата ФБ страница https://www.facebook.com/NovatvWeb/?eid=ARB_9CVCN8T6n848jC6fhVXvsx1lF3U_wb0G1RXhV0v-2Bx-xTU-YSrhZx2C3gA0uBzI8_dJt7kozyGf