Нов протест на граѓаните кои што се засегнати од извршителите. Тие бараат ретроактивност на сите закони кои ќе бидат донесеви во Собрание, сите закони да имаат повратно дејство, особено на законот кој се однесува на каматата.
„Да се тргне таа крвничка камата која досега постои. Да се врати тој член од Законот за облигациони односи кој е изваден пред 30 години, а во тој член стои дека висината на каматата не може да биде поголема од висината на долгот. Извршителите мора да одговараат за кршење на човековите права “, рече Ана Глогорова, активистка за социјални права, на денешниот протест пред Министерството за правда.
Граѓаните од цела држава бараат да се престане со незаконското блокирање на сметките, а нов позасилен протест најавија после новогодишните празници, пред Собрание или пред Обвинителство за организиран криминал.