Кај нас се зборува за Западот со суперлативи без разлика што во голема мера тој е соучесник во геноцидот во Газа но ако ги слушате луѓето што живеат во западните земји ќе добиете пореална слика за состојбите таму.
Ердем Ахмет
Навистина сум импресиониран од борбата за слобода на Палестинците и затоа пишувањето за таа борба ме прави да се чуствувам слободен.
Го критикувам Западот за соучесништвото во геноцидот затоа што тоа е вистината без да калкулирам. Тешко ми е да бидам прозападно ориентиран и да зборувам за каллкулации кога го гледам геноцидот врз Палестинците. Сето ова со геноцидот ќе помине еден ден. Не знам дали ќе биде исходот кој го посакувам: Слободна Палестина во границите од 1967 година, одговорните во Израел и соучесниците во западните земји да одговараат на суд и Палестинците да добијат целосно обештетување за сето што го преживеаа досега. Кога ќе помине сето ова најголемиот дел од интелектуалците кај нас кој калкулирале со критиката на Израел и Западот за геноцидот повторно ќе се јават со теми за кои добиле тезги. Ќе зборуваат за правда, демократија, за ЕУ и НАТО, во корист на власта или опозицијата … не затоа што веруваат во тоа туку од лукративни причини.
Кај нас се зборува за Западот со суперлативи без разлика што во голема мера тој е соучесник во геноцидот во Газа но ако ги слушате луѓето што живеат во западните земји ќе добиете пореална слика за состојбите таму.
Го подржувам членството на нашата земја во ЕУ и НАТО бидејќи нашите граѓани имаат корист од тоа но треба да престанеме да ги иделизираме тие институции каде најголемиот дел од членките се соучесници во геноцидот во Газа. Треба да знаеме дека со западно оружје Израел убива палестински цивили.
На Запад луѓето протестираат во голем број за подршка на Палестинците не затоа што е исплатливо да се прави тоа туку затоа што тоа е исправно. Студентите кои протестираа во САД сносат негативни последици кои може да влијаат на нивната иднина. Во Лондон секојдневно се апсат луѓе кои протестираат против одлуката на нивната влада за прогласување на Палестинската акција за терористичка организација. Во Германија дури Евреи се апсеа за антисемитизам. Тоа е грдото лице на Западот .
Светлото лице на Западот се луѓето кои никогаш не се откажале од борбата за слобода . Тие не веруваат дека тоа што се НАТО и ЕУ членка нив ги прави слободни туку веруваат дека тоа зависи од тоа колкав е просторот во кој тие можат да ја практикуваат својата слобода.
Најголемиот дел од интелектуалците кај нас пропагираат дека најголемиот дел од проблемите со кој се соочува земјата ќе станат решливи кога ќе станеме членка на ЕУ бидејќи ќе имаме систем кој ќе го овозможи тоа . Малкумина во ЕУ веруваат дека живеат во таков систем и затоа во голем број протестираат за поголема слобода.
Се сеќавам дека во социјализмот не учеа дека живееме во преоден период кон комунизам каде ќе се решат сите наши проблеми. Слично е и во религијата каде не учат дека животот не е совршен но ако бидеме добри после смртта не чека рајот.
Не знам што ќе се случи прво но знам дека треба да веруваме дека во меѓувреме треба да се бориме да го направиме животот подобар, поправеден, послободен … за сите нас а не само да чекаме да станеме членка на ЕУ, да дојде комунизмот или да одиме во рајот.
Од Фејсбук ѕидот на авторот