Групата „Го сакам Водно“ утре во 11 часот ќе одржи прес конференција пред Град Скопје затоа што, како што напиша на нејзината официјална фејсбук страница, се сомнева дека пробивањето на трасата на Водно за минување на гасовод отстапува од договореното со Владата.
„Без официјална одлука на Влада, без одобрение од Град Скопје, со долга листа на неправилности во целата постапка за градење на оваа делница на гасводот, во издавање на одобрението за градење, деновиве багерите по неколку месечна пауза продолжиле на терен да рамнат и да го кршат сртот. Државава вака мисли да продолжи да работи? На овој начин?!“, прашуваат од групата „Го сакам Водно“.
Од таму посочуваат неколку аргументи, според кои, како што велат тие, може да се заклучи дека има отстапување.
„Багерите работеле деновиве, по старото сценарио, кое години наназад добро се установи, во ек на летни одмори удри и гради против граѓанскиот став кој аргументирано бара градење ндвор од Водно. Порамнето, искршен сртот, без официјална одлука на Влада!!! И не, да бидеме јасни, не се како што рекоа МЕР и вицепремиерот Кочо Анѓушев десет метри и не е по изменетата траса која ќе ја намалела штета, туку по старата. Одобрение за градење издадено без одобрение на Град Скопје под чие владеење е парк шумата Водно. Студии за оцена на влијанието на проектот врз животната средина кои не го разгледуваат посебно заштитеното подрачје на парк шума Водно. Јавни расправи за кои јавноста не била известена и не била присутна. Распишан тендер на МЕР за изградба на гасоводот, месеци пред да бидат воопшто овластени од Владата за изградба“, пишува групата на нивниот фејсбук профил.
Групата „Го сакам Водно“ ги повика градоначалникот на Скопје, Петре Шилегов, Владата, Инспекторатот на град Скопје како и ЈП „Паркови и зеленило“ да го запрат проектот затоа што, како што велат, листата на аргументи против трасата на гасоводот да оди низ парк шумата Водно е толку долга, што секој правен систем би го запрел процесот.
Групата уште побара Владата јавно да ја објави одлуката донесена на владина седница со која се предвидува гасоводот да минува низ парк шумата Водно а по изјавата на директорот на МЕР, Бајрам Реџепи дека Владата одлучила гасоводната делница Скопје – Тетово – Гостивар да продолжи да се гради по истата траса низ парк шума Водно, со неколку измени и мерки,