За да се разбере зошто кај нас автопатите се патишта до милионите на моќниците, а не толку за движење на луѓе и стока, доволно е да се преслушаат разговорите што беа објавени во 2015 година од тогашниот лидер на опозицијата. Најмалку 5 отсто провизија барале Кинезите за сумата што нашата влада ја плаќала за изградбата на автопатот Кичево-Охрид.
Џелал Незири
Наместо тивко и срамежливо, речиси целата влада со нејзините сателити се собраа на овој жежок јулски ден за да ги промовираат првите 20 километри од автопатот Кичево – Охрид. Потребни беа 11 години за да се изгради една третина од автопатот на терен кој главно е погоден за градење. Според оваа динамика, автопатот ќе биде завршен за 22 години, односно во 2047 година!
Првото прашање е времето на реализација. Второто прашање е цената на проектот. Целиот автопат досега ја достигна сумата од 600 милиони евра – двојно повеќе отколку што беше планирано во 2014 година, кога тогашната влада на ВМРО-ДПМНЕ и ДУИ зема кредит од кинеската ЕКСИМ банка, со услов проектот да го реализира исто така кинеската компанија – СИНОХИДРО. Со парите на даночните обврзници потрошени за овој проект (од владите на ВМРО-ДПМНЕ и СДСМ, каде ДУИ беше дел), овој автопат достигна рекордна цена од 10,5 милиони евра за само ЕДЕН километар.
И изградбата на автопатот Скопје–Блаце, кој треба да ја поврзе Северна Македонија со Косово преку траса од 12 километри, моментално чини над 110 милиони евра. Според една споредбена анализа, доколку автопатот Скопје–Блаце заврши со оваа цена, тоа ќе биде вториот најскап автопат во земјата, со цена од околу 9,2 милиони евра по километар.
Колку чини во просек еден километар автопат во понормални држави ? Автопатот Драч-Кукс ви Албанија чини 5,9 милиони евра по километар, Белград-Јужен Јадран во Србија- 6,7 милиони евра, додека еден километар од автопатот Италија-Германија чинел 6 милиони евра. Во зависност од теренот, во земји со низок степен на корупција, еден километар автопат чини од 3 до 8 милиони евра.
За да се разбере зошто кај нас автопатите се патишта до милионите на моќниците, а не толку за движење на луѓе и стока, доволно е да се преслушаат разговорите што беа објавени во 2015 година од тогашниот лидер на опозицијата. Најмалку 5 отсто провизија барале Кинезите за сумата што нашата влада ја плаќала за изградбата на автопатот Кичево-Охрид. По ВМРО, продолжи СДСМ, сè до денес кога ВМРО-ДПМНЕ со своите албански партнери со гордост ја пуштаат во употреба делницата од автопатот, којашто веќе е синоним за кражба и срам.
Текстот е сопственост на Инбокс7.мк