Во моментов во скопската населба Ѓорче, гори Кафеаната Планета , која е во сопственост на човек од муслиманска вероисповест, како што јавува репортерката на НОВА, Сашка Цветковска.
Тензична е атмосферата, има многу луѓе по улиците, расфрлени контејнери и исечени дрва, дури и полицијата има потешкотии да пристапи на теренот.
Инциндентите започнаа откако стотина граѓани се собраа по убиството на средношколецот ос средното медицинско училиште. Граѓаните се собрани во близина на очната болница, а во целата гужва не може да се пробие возилото кое треба да го однесе телото во мртовечница.
Полицијата го потврди убиството, приведен е еден осомничен кој во моментов е на распит во полициска станица. Според првичните информации на убиството му претходела кражба на велосипед од дворот на семејството на убиеното момче, велат во МВР.
Откога го забележале А.П. и неговиот татко со автомобил тргнале кон крадецот. Набрзо го стигнале, но кога се доближиле до крадецот момчето било прободено со остар предмет неколку пати во срцето, велат во МВР.
Неофицијално, осомничениот во полициска станица го потврдил делото. Повеќе информации за убиството се очекуваат во текот на утрешниот ден.