Градот Скопје реагира на објавената информација објавена на дел од интернет медиумите во врска со постапката за изградба на нов Луна Парк во Град Скопје.
Осум милиони евра за нов Луна парк
Во дел од овие медиуми се потенцира дека за изградбата на новиот Луна Парк, од буџетот на Град Скопје ќе се издвојат 8 милиони евра.
Градот Скопје сака да ја информира јавноста дека цел на јавниот повик за избор на концесионер преку јавно-приватно партнерство е изградба на нов и модерен забавен парк во главниот град.
Како дел од договорот за концесија е дека сите финансиски трошоци за изградба на овој забавен пари и реквизити ги сноси приватниот инвеститор, за што во возврат ќе го добие правото на стопанисување на забавниот парк во период од 35 години.
Оттука, од буџетот на Град Скопје нема да се издвојат финансиски средства за изградба на забавниот парк, туку тоа е обврска на приватниот партнер.