Кабинетот на градоначалникот на Скопје, Коце Трајановски реагира дека директорот на ПОЦ и претседател на ОО СДСМ –Центар, Саша Богдановиќ, околу изградбата на улицата на Кеј 13 Ноември, изнел невистини и манипулации.
– Градот Скопје сака да ја информира јавноста дека изградбата на оваа пристапна улица со посебен сообраќаен режим е предвидена со Детален урбанистички план донесен од Општина Центар, а истата ја гради приватен инвеститор. Повторуваме, Град Скопје не е институцијата која ја има вцртано оваа улица и Град Скопје не е таа која ќе ја гради. Градот Скопје, врз основа на валиден документ, детален урбанистички план, кој е донесен од страна на Општина Центар, е законски обврзан да издаде градежна дозвола за тоа, се вели во реакција од кај Трајановски.
Оттаму велат дека доколку не го стореле тоа, Градот Скопје може да биде тужен од страна на инвеститорот и да сноси финансиски последици.