Published: Monday, February 14, 2022 17:11
Градоначалникот на Општина Центар, Горан Герасимовски на денешниот отчет за сработеното во првите 100 дена информира дека заедно со централната власт односно министерството за транспорт и врски и натаму ги ревидирале Деталните урбанистички планови со цел нивно побрзо носење со измените, што е процес почнат од неговиот претходник Саша Богдановиќ.
На прашањето на САКАМДАКАЖАМ.МК колку дозволи издал во првите 100 дена Герасимовски истакнал дека по детални проверки издадени биле две одобренија за градба.
– Овие дозволи чекаа неколку месеци пред да се издадат. И сите наредни детално ќе ги проверуваме, ќе излегуваме на терен и ќе видиме каква е ситуација, дали има шума или не, прашање што е болно за сите нас“, изјавил Герасимовски на отчетот, пренесува САКАМДАКАЖАМ.МКИнформирајќи дека правеле притисок за што побрзо носење на ДУП-овите, од десет кои се во постапка очекува и се надева за три за Маџир Маало, Клинички центар и Крњево во брзо време да бидат донесени.
Тој информира дека барање за градба за другите две згради кај „Холидеј ин“ уште не било побарано.