Градот Скопје го одби барањето од Сојузот на борците на Македонија за користење на плоштадот Македонија, со цел одбележување на годишнината од легендарниот, епохален и врвно значаен историски поход во антифашистичката борба, како што информираат за НОВА од Сојузот на борците.
Борците велат дека и покрај тоа што нивното барање е одбиено тие ќе излезат на планираниот собир и тоа токму на централниот плоштад во Скопје.
Според нив, се очекува голема поддршка од граѓаните не само од Скопје, туку и другите градови на Македонија.
Градот Скопје образложил дека тие не можеле да го одобрат собирот порад тоа што имало други планирани активности во истиот термин.
НОВА се обрати во Град Скопје да праша кои се другите активности, но портпаролот Неделчо Крстевски ни порача да се јавиме во понеделник, бидејќи е доцна и службите кои ја имаат таа информација не работат.
Граѓанската иницијатива АМАН денска со поддршка на борците и утрешниот „Февруарски марш„ ги повикуваат своите активисти утре да излезат на плоштад.