Искучените од парно греење кои добиваат сметки и мора плаќаат за нешто што не го користат, следната недела ќе испратат писмо до сите амбасади кои с е наоѓаат во РМ. Со ова писмо исклучените граѓани од системот на парно греење ќе побараат од Обединетите Нации да се превземат активности за заштита на човековите права согласно Пактот за човекови права.
„На протестот на исклучените од Топлификација кој се одржа вчера пред регулаторна комисија собрани се 2310 потписи за подршка на писмото до Амбасадите. Овој број е сосема доволен, за пораката заедно со потписите на граѓаните да биде испратена на меѓународната зедница“, оценуваат организаторите на протестот.
Овие граѓани со месеци, секоја сабота протестираат пред зградата на Регулаторна комисија. Пред една недела Судот ја одби тужбата на 260 граѓани поради, како што ги информирале, нецелосна документација. Граѓаните кои ги тужеа компанијата „Балкан Енерџи Груп“ и Регулаторната комисија за енергетика за загубија заедничката тужба.
Во судот не се појавил ниту нивниот адвокат, а тие најавија ангажман на нов адвокат со кого повторно ќе пробаат да го вратат предметот на Суд.
Со Правилникот за снабдување со топлинска енергија којшто се донесе пред речиси 3 години надоместок за парно мораа да плаќаат и оние граѓани кои се исклучуваа од системот.