Грчкиот амбасадор со надеж за решение за името

Теохарис Лалакос е нов шеф на грчката канцеларија за врски во Скопје. На прашањето дали е оптимист дека во неговиот мандат ќе се реши прашањето за името Лалакос вели дека искрено се навдева на тоа.

– Тоа е моја искрена надеж, секако, се надевам, рече Лалакос.

Грчкиот дипломат Лалакос исклучително добро го познава регионот и не е случајно испратен во Скопје. Тој бил заменик-амбасдор во Анкара, член на кабинетот на поранешната шефица на дипломатијата Дора Бакојани и заменик политички директор во министерството за надворешни работи.

Тој денеса имаше средба со претседателот на Собранието на Република Македонија Трајко Вељаноски.