Додека лепеле плакати, 30 припадници на подмладокот на Комунистичката партија биле нападнати од организирана група која ги нападнала со палки и шипки, според грчката полиција се работи за група составена од членови и симпатизери на партијата „Златна зора“.
Нападот се случил рано изутрина во работничкиот кварт Перама, близу главното пристаниште Пиреја, а засега не е познато дали повредените се во потешка или полесна состојба.
„Златна зора“ во моментов е трета партија по популарност во Грција, а минатата година влезе во парламентот со 18 пратеници, откако освои 7% од гласовите.
И партијата упорно негира, многумина сметаат дека тие се одговорни за повеќето напади, а против неколку пратеници на партија покренати се и судски процеси поради насилно однесување.