Премиерот Никола Груевски по повод одбележувањето на Денот на Републиката – 2.август, денеска во својот говор рече дека раководството на земјава, преку градење споменици и прекрстување на улици, всушност им се оддолжува на претците заслужни за нашата историја.
– Едно од симболичните гестови на оддолжување од оваа генерација, се градењето на спомениците на великаните на македонската историја, музеите, имињата на улиците, булеварите, плоштадите, населбите и мостовите, со нивните имиња, книгите и монографиите за нив, документарните филмови за нивните дела и страдања, ликовните дела и други симболични чекори и гестови со кои се залагодаруваме на нашите предци кои се жртвуваа за својот народ. Но, тоа се симболичните гестови, рече Груевски.
Пред споменикот на претседателот на Президиумот на АСНОМ, Методија Андонов Ченто во Скопје, тој рече дека најважните чекори во правец на продолжување на нивните дела е зацврстувањето и напредокот на државата, обезбедувањето на мирот и безбедноста на земјата и народот, подобрувањето на животот во секој поглед, развојот на демократјата и човековите права, развојот на образованието, на економијата, на владеењето на правото, обезбедувањето на стабилност на државата и нејзин континуиран напредок во секој поглед.