„Победи Македонија, победи ВМРО ДПМНЕ и колацијата. Победија делата“ истакна во својот вечерашен говор премиерот Никола Груевски.
Тој ги соопшти следниве резултати:
ВМРО ДПМНЕ во прв круг победува најмалку во 25 општини во Македонија, очекуваме уште едно пет – шест.
Покрај победата во прв круг со најмалку 25 општини, ВМРО ДПМНЕ води во други 36 општини каде што ќе има и втор круг.
Во општините во кои води СДСМ секаде разликата е мала и секаде ќе има втор круг според нашите информации.
„На овие избори покажавме дека во политиката кога станува збор за национален државен интерес може да се споиме и со ривалите со кои имаме огромни разлики, тоа е позитивниот преседан кој може да го искористиме. Без разлика како ќе заврши пребројувањето во Кичево и Струга, сакам да упатам порака дека и Кичево и Струга и сите општини во западна Македонија се и ќе останат Република Македонија.
– Ќе останат наш нераскинлив дел без разлика на разни етнонационалистички сонови , илузии, туку напротив, ќе работиме на подобрување на перспективите на сите граѓани во тие општини“, истакна вечерва Груевски.