Судот не ја одобрил екстрадицијата на екс премиерот Никола Груевски и наредено е негово ослободување, пренесуваат дел од унгарските медиуми.
Како образложение било дадено дека условите од екстрадицијата не биле исполнети.
Поранешниот македонски премиер и бегалец Никола Груевски денеска беше на судско рочиште во Будимпешта, каде што се одлучуваше за неговата екстрадиција, јавуваат унгарските медиуми. (кликнете на линкот за ВИДЕО)
Тој во Судот се појави со очила за сонце и безбол капа. По барање на адвокатот на Груевски на сослушувањето не беа присутни медиумите. Судот, според унгарските медиуми, сослушувањето го закажал утринава.
Македонското Министерство за правда испрати ново барање за екстрадиција на Груевски откако тој е осомничен како организатор за крвавиот четврток.
Груевски побегна во Унгарија за да ја избегна затворската казна од две години за „Тенк“.