– Иако обединета како никогаш досега, партијата се соочи со удари од надвор . Во последните 5 до 6 месеци партијата го пребродува најсилниот удар досега. Во неможност да биде победена во нормална политичка битка, на демократски начин, противникот соработувајќи со мрачни сили, се обиде на најбрутален начин да ја сруши партијата нанесувајќи штета на државата. Но наместо тоа, тие ќе се срушат себе си, сакајќи нам да ни направат стапаица, влегоа во стапица, во предвремени парламентарни избори во кои ВМРО-ДПМНЕ ќе победи, рече лидерот Никола Груевски на прославата на 25 годишнината од основањето на партијата којашто во моментов се одржува на плоштадот ВМРО пред новото партиско седиште.
Груевки најави нова победа на ВМРО ДПМНЕ во Април 2016 година.
Одиме во голема победа, која ќе се памети после се што помина нашата земја, победа која поради контекстот, како причина стои зад предвремените избори ќе влезе во учебниците и историјата. Ќе се учи како не треба во демократско општество да се манипулира со интелегенцијата на народот.
На плоштадот се собраа илјадници граѓани кои ги веат партиските знамиња. На прославата ќе се обратат повеќе високи партиски функционери и лидерот на партијата и актуелен премиер Никола Груевски.
Денеска свечено ќе биде отворено новото седиште на партијата кое ќе го носи името „Палата Христо Татарчев“. Зградата ја градеше компанијата „Бетон“ и се наоѓа на местото на старата жолта зграда којашто долги години беше седиште на партијата. ВМРО ДПМНЕ успеа значително да ја зголеми основата на зградата која што првично целата беше 400 метри квадратни за што беа направени и промени во урбанистичкиот план и на тој начин се стекна со околу 4.000 метри квадратни деловен простор. Од партијата тогаш соопштија дека целиот трошок за изградба ќе биде на грб на инвеститорот, а партијата за возврат ќе добие 30 проценти од просторот.