Премиерот Груевски со хеликоптер заминал од Кичево откако стотици граѓани се собрале пред штабот на партијата и го исвиркале, информираат сведоци на социјалната мрежа Твитер.
Граѓаните, меѓудругото, барале одоговори како е можно во Кичево да победи ДУИ.
Портпаролот на полицијата, Иво Котевски, за НОВА вели дека нема сознанија за инциденти во Кичево, додека владиниот портпарол ја демантираше информацијата дека премиерот бил исвиркан.
Присутни на протестот за НОВА велат дека наводно во Кичево дошло и до помал инцидент меѓу пратеникот Илија Китановски и насобраните граѓани кои дошле да го искажат својот револт.
Во истовреме пред штабот на ВМРО – ДПМНЕ во Кичево голем бил бројот и на поддржувачите и активисти на владеачката партија кои со аплаузи го пречекале премиерот Груевски.
Но, за напнатоста на атмосферата говори фактот на подигнатото ниво на безбедноста и зголеменото присуство на полицијата.