Градоначалничката на Кисела Вода Билјана Беличанец вчера попладне му давала отчет на претседателот на најголемата опозициска партија ВМРО-ДПМНЕ Никола Груевски, забележа НОВАТВ откако оваа вест денеска на својот фесјбук профил ја сподели поранешниот министер за здравство Никола Тодоров. Предмет на отчетот беше сработеното при реконструкцијата на улицата „Сердарот“во населбата Драчево. Градоначалничката Беличанец придружувана од градоначалникот на Скопје Коце Трајановски детално му објаснуваше на Груевски како напредува реконструкцијата на малата драчевска улица долга километар и половина.
„Се наоѓаме на улицата Сердарот. Во моментов се започнати сите градежни зафатии….„Да, Да, еве тука веќе почнале да ги вадат плочките. “, рече Груевски, а Беличанец продолжи да објаснува за потеклото на средствата за реконструкција на драчевската улица и се пофали дека општината редовно ги враќа своите долгови.
Но, Груевски беше повеќе заинтересиран за тековните работи на улицата, отколку за ликвидноста на општинат. Под негово водство преку поставување многу прашања разоворот продолжи строго во таа насока.
„Должината кажете? – Километар и двеста!, одговори Беличанец. Потоа продолжи да зборува дека реконструкцијата се прави за да можеле децата не целосно, туку „колку-толку,безбедно да се движат до школото во село Драчево“.
На улицата „Сердарот“ во Драчево, дел од територијата на општина Кисела Вода, се наоѓа и основното училиште „Рајко Жинзифов“.
Во продолжение погледнете го целото видео.