Во моментов течат огласи на десетина државни и јавни институции со кои што се бараат 278 нови државни службеници. Премиерот Никола Груевски бара 38 државни слубженици во својот кабинет, од кои што 20 се државни советници кои што, според огласот достапен на веб страната на Агенцијата за администрација, ќе добијат плата од речиси 37.000 денари. Секретаријатот за спроведување на Рамковниот договор објавува оглас за 154 нови службеници за плати од околу 13.000 и 20.000 денари. Министерството за труд и социјална политика бара 30 државни службении, Градот Скопје 8, Министерството за правда 20, Министерството за земјоделство 11, Општина Кичево 16. Од огласите за јавни службеници единствен активен е огласот на „Македонски шуми“ кои што бараат 12 нови службеници.
Во меѓувреме, 3.000 службеници со хонорарен статус ќе добијат редовно вработување. Ова пред десетина дена го одлучи Владата, а Собранието донесе Закон за трансформација на работниот однос.
Македонија со години е критикувана од страна на Европската унија за преобемната и неефикасна администрација.