Во Македонија нема политички затвореници, а тие за кои опозицијата тврди дека се политички затвореници се докажани со аргументи и факти изјави премиерот Никола Груевски во синоќешното интервју на МТВ.
-.Судот ги разгледал во една, друга, трета инстанца и го потврдил тоа. Тоа што некој сака да ги прикажува како жртви и како политички затвореници, тоа е дел од политичката манипулација на дневна основа“,рече Груевски Тој додаде дека му е жал што еден новинар од Македонија е во притвор и дека тоа надвор поинаку се перцепира бидејќи таму никој не навлегува во суштината на оваа ситуација.
-Тој е обвинет за ситуација кога се објавува идентитет на заштитен сведок,според Закон кој е донесен во време на СДСМ. Тој е осуден на минимална казна, а за тоа што е вистина ќе одлучи судот. Жал ми е што човекот е во таква ситуација, за нас тоа е непријатно, но не можеме да избегаме од реалноста, изјави Груевски за апсењето на новинарот Томислав Кежаровски.
Што се донесува до можноста за предвремени парламентарни избори Груевски одговори:
-Нема ситуација поради која посакувам предвремени парламентарни избори, но ако некоја ситуација не доведе до тоа, или се инстистира, ние сме спремни. Не го потврдувам или отфрлам моментот дека чувствувам потреба за такво нешто, рече премиерот Груевски.
Прашан за лидерот на СДСМ, Зоран Заев и за негативната кампања против него, премиерот вели дека Заев плаќал на некои невладини организации, а фирми на негови фирми добивале тендери и дека тоа било реалност, а не негативна кампања, а токму негативна кампања било ако некој измислува за нешто.
-Тој и неговите најблиски во СДСМ може да ветуваат што сакаат, но народот знае да одбере. Народот сака реалност, а не ветување брда и долини, изјави Груевски.
Тој го пофали претседателот на Македонија, Ѓорѓе Иванов дека одговорно си ја врши работата и најави дека за кандидат за претседателските избори ќе се разговара внатре во партијата и дека не ја почнуваат дебатата за тоа пред време.
-Тие што губат почнуваат пред време. Опозицијата која е во понезавидна позиција од нашата се чудам зошто не го промовира својот кандидат, вели Груевски.
Во однос на спорот со името Груевски рече дека не може да лицитира или да витка грб со разни предлози за решение на спорот со името.
-Ќе ни се смеат луѓето. Ако нешто сериозно понуди медијаторот Метју Нимиц, тој предлог ќе го понудиме тоа на референдум, а за тоа ќе одлучи мнозинството од народот на државава. Среќен сум што и опозицијата најави дека за спорот со името ќе предложеле за тоа прашање да се одлучува на референдум. До вчера велеа едно, денес друго. Многу се брзоплети, носат брзи одлуки. Тоа не ми се допаѓа. Тие сакаат да го решат проблемот, а после да го смируваат проблемот. Спорот со Бугарија, проблемот е политички кој доаѓа од нивна страна. За една бракоразводна парница се направи национален проблем. Од ситни мали работи и некои манипулации настана ситуација. Мислам дека наскоро проблемот ќе се реши, одговори Никола Груевски.