Претседателскиот кандидат на ДПА,Илјаз Халими синоќа одржал средби со граѓаните во ОУ Братство-Миѓени во Тетово.
Илјаз Халими потенцираше дека ДПА , како сериозна партија, откако направи конструктивни анализи,одлучи да излезе со претседателски кандидат и не дозволи на албанскиот народ да му се случи национална катастрофа што ќе значеше дека како народ не се организирани.
„Задоволен сум од мојата кандидатура и сум излегол во пресрет на многу барања на граѓаните, организациите и институциите. Бојкотот на ДУИ никој не го поддржува, напротив, тоа го осудија и САД и Советот на Европа, што уште еднаш потврдува дека бевме во право што се вклучивме во претседателската трка” – рече Илјаз Халими.
Претседателот на ДПА и носителот на листата во 6-та ИЕ, меѓу другото, истакна дека е горд што ги претставува жителите од населбата од каде што и тој потекнува и се осврна на резултатите на последните анкети.
„Последните анкети покажуваат дека рејтингот на ДПА е во пораст и многу сме блиску до ДУИ. Тие не можат да замислат дека разликата е 1% . Гласачите на ДПА сега се на удар,ги плаши власта, им изрекува казни,им праќа полиција, им ја стопира социјалната помош итн. Ви ветувам дека ние ова нема да го правиме ниту на вас, ниту на оние што гласаат за ДУИ и тука лежи разликата помеѓу нив и нас” – рече Тачи.
Лидерот на ДПА меѓу другото се осврна и на предизборната кампања и трошоците што ги прави власта за промовирање во овие избори без притоа да инвестира во општините.
„Не е праведно, луѓето кои зборуваат за големи дела, помина една година што управуваат со Тетово не закрпале ниту една дупка, нема вода за пиење, осветлување на градот, нема градинки и нема инвестиции. И што велат тие? Државата ни е во криза. Како може државата да е во криза со минимум 500 билборди на Али Ахмети, поставени во териториите каде живеат Албанците. Стотици илјади евра се во прашање” – потенцираше Мендух Тачи.