По референдумот за промена на името кој беше неуспешен поради прениската излезност, комесарот Јоханес Хан ги повика македонските пратеници да ги имплементираат неопходните уставни амандмани за промената да името да се случи набрзо. Најголемата опозициска партија ВМРО ДПМНЕ се противи на тоа во иднина земјата да се нарекува Северна Македонија. Сепак, на Владата и се потребни 10 гласа од ВМРО ДПМНЕ за уставните амандмани, но раководството на партијата се противи на тоа. Постојат информации за закани против оние кои сакаат да гласаат спротивно од партијата и да ја поддржат Владата во Собранието – вели Хан.
Членови на ВМРО ДПМНЕ се спротивставија на партискиот лидер Христијан Мицкоски, но беа казнети поради тоа, како заменик генералниот секретар на партијата, кој беше заменет. Ова е тотално неприфатливо за партија која се прокламира како про-европска и демократска – вели Хан за Стандард.
Тој сега се надева за процес на дискусија. Бидејќи евроатлантските интеграции кои конечно може да се постигнат со решавањето на спорот со името, исто така се изразена цел и на ВРМО ДПМНЕ, но мораат да се однесуваат согласно тоа и да направат одлука која ќе го направи Договорот возможен. Сè друго е неверојатно – предупредува Хан. „Откажете се од деструктивното однесување“.
Тој ја повикува опозициската партија „да се откаже од деструктивниот став и да го стави интересот на земјата и граѓаните пред партиските политички интереси“. Договорот постигнат со Грција е толку важен бидејќи со него се расчистува патот до евро-атлантските интеграции.
Исто така е и сигнал до целиот регион дека е возможно решение дури и на конфликтите кои траат со децении, па Договорот би требало да биде имплементиран во Собранието, без одложување. Референдумот беше чисто консултативен. Она што се брои се убедливите гласови за Договорот: граѓаните кои гласаа „За“ Договорот се рекордни 94 отсто. Повикот за бојкот, кон кој се приклучија и некои од ВМРО ДПМНЕ, сведочи за недостаток на демократска зрелост – вели Хан.
Комесарот исто така предупредува за можните нови избори кои премиерот Зоран Заев ги донесе во игра. Такво нешто сигурно би допринело за одложување на имплементацијата и ратификацијата на Договорот за името.
– Исто така се сомневам дека доколку има поголемо одложување, дали грчката Влада се уште ќе биде способна да го спроведе Договорот во Парламентот – вели Хан.
Тој исто така предупредува дека новите избори не гарантираат дека на македонското Собрание ќе му го донесат посакуваното дво-третинското мнозинство.
– Тоа значи дека има временска рамка која може да биде искористена сега, или во спротивно шансата за имплементирање на Договорот за името ќе биде изгубена на подолг рок, или можеби засекогаш – вели Хан.
Како партија која е одговорна за спречувањето на овој историски договор важен за земјата, тој ја посочува ВМРО ДПМНЕ.
Германската ЦДУ се обидува да ја убеди сестринската ВМРО ДПМНЕ да се приклучи.
Членот на Бундестагот Јохан Вадефул иззјави дека собраниското гласање за уставните промени е круцијално. Канцеларката Ангела Меркел го посети Скопје пред референдумот за да ја подвлече нејзината поддршка за Договорот за името.
Има бројни судења против политичари од ВМРО ДПМНЕ. Крилото од партијата кое се уште е лојално на поранешниот лидер Никола Груевски, се обидува да ја искористи моменталната внатрешна политичка ситуација за да спречи прифаќање на промената на името по секоја цена. Многу претставници на ВМРО ДПМНЕ се на суд поради корупција и злоупотреба на власта – па во позадина бараат амнестија.
Македонскиот претседател Ѓорѓе Иванов, ги претставува интересите на Русија, и исто така се противи на промена на државата, кое би допринело до зачленување во НАТО.




