„Убава средба“ – предмалку на Твитер напиша еврокомесарот за проширување и добрососедска политика Јоханес Хан по кусата средба со делегација на реформското крило на ВМРО-ДПМНЕ, во состав Петар Богојески, пратеничката Емилија Александрова и поранешниот министер Никола Тодоров, кои пред извесно време беа исклучени од партијата, а на покана на претседателот на Европската народна партија (ЕПП) Жпзеф Дол, присуствуваат на Конгресот на партијата во Хелсинки.
-Им честитам на нивната храброст и храброста покажана во гласањето за Договорот од Преспа. Сите закани против нив мора да престанат! Сите партии треба да работат на агендата на ЕУ, кон која сакаат поголемиот дел од граѓаните, напиша Хан на Твитер од Хелсинки.
Претходно, синоќа, еврокомесарот имал средба и претседателот на ВМРО-ДПМНЕ, Христијан Мицкоски, оценувајќи дека со со него има „корисен разговор“.
„Бев кристално јасен дека ратификацијата на Договорот од Преспа сега мора брзо да заврши, без никакви пречки. Ја поздравувам неговата посветеност да не ја попречува постапката во Парламентот. на интеграцијата во ЕУ и треба лојална опозиција“, напиша Хан на Твитер по средбата, што се оддржала на маргините на Конгерсот на ЕПП во Хелсинки.