На само три дена пред да додели Нобеловата награда за литература за 2014, Харуки Мураками и кенискиот писател Нгуги ва Тионг’ o (Ngugi wa Thiong’o) се фаворити за победа за најголемата чест во книжевниот свет, објавува Гардијан. Мураками и минатата година беше еден од фаворитите, но наградата ја доби маестралната писателка на кратки раскази Алис Мунро.
Шведската академија соопшти утрово дека добитникот на Нобеловата литературата ќе биде откриен во четврток, 9 октомври, во 13:00 часот. Компанијата за обложување Ледброукс (Ladbrokes), која често го гледа евентуалниот победник преку напливот на обложувања во деновите пред објавувањето, рече денес дека Нгуги и Мураками се со 4/1 шанси како заеднички фаворити за наградата од осум милиони круни (£ 693,000).
“Мураками беше како најголем фаворит, но Нгуги подоцна исплива и тој може да лесно да стане јасен фаворит многу наскоро “, изјави портпаролот на Ледброукс Алекс Донохју.
Трето поставена на Ледброукс е Светлана Алексиевич, белоруска истражувачка новинарка, со шанси 7/1, потоа сирискиот поет Адонис кој има 10/1, заедно со францускиот писател Патрик Модиано. Американскиот романсиер Филип Рот, норвешкиот писател Џон Фос и австрискиот писател Питер Хандке – кој неодамна ја освои наградата Ибзен – сите имаат 12/1 шанси.