Случувањата на 24 декември се директен удар врз уставниот поредок на Република Македонија, се вели во извештајот на Хелсиншкиот комитет за човекови права.
Случувањата преставуваат досега невиден застрашувачки преседан спротивен на основните принципи на правната држава и владеењето на правото.
Особено загрижува фактот што пратениците од опозицијата беа насилно отстранети од собраниската сала од страна на досега неидентификувани лица, за кои сеуште не е утврдено дали се припадници на специјални полициски единици или на обезбедувањето на Собранието на Република Македонија, реагираат од Хелсиншкиот.
Тие истакнуваат дека постојат основани сомненија за тенденциозно и однапред смислено отстранување на пратениците од опозицијата, како резултат на фактот дека
во собраниската сала биле присутни и пратениците Маринела Тушева и Панче Орцев,
кои седеле од страна и воопшто не учествувале во настанатиот неред, а сепак биле и
тие присилно отстранети.
Понатаму во извештајот на Хелсиншки се вели: Примената е несразмерна физичка сила врз пратениците и новинарите при нивното отстранување од собраниската сала, со што е постапено спротивно на член 16 и член 70 од Уставот на Република Македонија, член 19 од Универзалната декларација за човекови права, член 10 од Европската конвенција за човековите права, член 2, 225 и 227 од Деловникот на Собранието, поради исклучување на јавноста од работата на Собранието.
„Со одлуката да се исфрли од собраниската сала целата пратеничка група на СДСМ е
постапено спротивно на член 92 и член 93 од Деловникот за работа на Собранието,
според кои претседателот на Собранието заради одржување на редот може да даде
наредба за отстранување на еден пратеник, но не и на цели пратенички групи“, истакнуваат од Хелсиншкиот.